Relatos Mariñeiros | LIBROS NÁUTICOS | Lectura Náutica | Novela | Librería Náutica cartamar. Libros Náuticos. Cartas Náuticas | Libreria nautica Cartamar. Libros nauticos. Cartas nauticas.

Descripción:

Relatos mariñeiros componse de vinte narracións curtas que teñen como referencia a comunidade de pescadores galegos asentados na Habana nos anos 30, 40 e 50. Vinte historias de mariñeiros e emigrantes galegos no Golfo que reconstrúen vidas ancoradas na saudade. Son relatos de mariñeiros artistas, como o Leandro, o corpudo gaiteiro que levaba todo un país no fol, o Mariano que tocaba o saxofón, ou o Santiago, que co seu lapis de cores retrataba a tripulación. Mariñeiros namorados e comprometidos como o Daniel e o Xaquín, vello pescador da Malata; o negro Eliseo, antillano que aprendeu a fala nosa; ou o Xoán Barreiro, dirixente do Sindicato de Viveiristas.
Relatos mariñeiros, pola súa complexa e premeditada brevidade, pola súa prosa limpa, e pola construcción de tramas cheas de emoción, apoiadas nas ilustracións de Xaquín Marín, constitúe unha das máis valiosas achegas dun dos clásicos vivos da literatura galega.


Índice:

O gaiteiro
Historia de amor
Matufia
Festa
Corentena
O negro Eliseo
Cemiterio
Un saxofón a bordo
Os puños do mugardés
O esquirol
O crime de Lázaro
Outra vez en Casa Branca
O ciclón
Indocumentado
Pola Guadalupana
Dende Caamouco
Fuxitivo
O mariñeiro artista
Nicasio e o xuíz
Sebastán